#باكيستان يا سادة .
.
هاد الدولة الإسلامية كتمتلك مصادر قوة غير متاحة لبزاف البلدان الخليجية لي كتفتخر وكتعتز بثرواتها القارونية.
جمهورية باكستان الإسلامية دولة عندها سيادة في جنوب آسيا
تأسست سنة 1947 وعدد السكان كيتجاوز 191 مليون نسمة، وهي سادس دولة من حيث عدد السكان كتحتل المرتبة 36 في العالم من حيث المساحة.
في الحدود ديالها كاينة الهند فالشرق وافغانستان من الغرب وإيران من الجنوب الغربي والصين في اقصى الشمال الشرقي وعندها حدود بحرية مع #عمان .
دولة جات بين انياب الملحدين وعباد البقر واخطر طائفة شيعية إثني عشرية . وكل هاد الدول ممن لا عهد لهم ولا أمان .
هادشي لي خلى باكستان تدارك نفسها باش تكون قوة اسلامية صاعدة في المنطقة .
عندها سابع أكبر قوات مسلحة في العالم،
وهي قوة نووية، و كنمتلك أسلحة نووية معلنة للعالم ، وهي الدولة الوحيدة في العالم الإسلامي لي كتمتلك هاد الأسلحة. وهاد القوة العسكرية وتحديدا النووية هي السبب الرئيسي في المكانة ديالها العالمية عامة وفي جنوب اسيا بالخصوص .
وكان الصراع ديالها مع الهند هو المحفز باش تخرج من التبعية الغربية وتخرج بالتدريج من المظلة الامريكية.
.
فهادشي علاش خص الدول العربية والاسلامية تعامل مع هاد البلدان الاسلامية الصاعدة بإيجابية .
فمثلا قوة #تركيا و #ماليزيا و #اندونيسيا و #باكستان راه واخا طوال الزمان ولا قصار راه ماغاتكونش في النهاية إلا في صالح العالم العربي الإسلام .
فبالرغم من كاع دوك الانتقادات لهاد الدول . ولكن لي كنشوفو في كل وقت وحين هو ان هاد الدول هي الوحيدة لي كتنتفض وكتتوحد شعارات حكامها ومسؤوليها مني كتعرض المقدسات الاسلامية لأي تهديد من اعداء هذا الدين وهذه الشعوب الاسلامية عامة. وكل هاد الدولة هي جنب الى جنب في العداء ديالها للغطرسة الامريكية والإسرائيلية . وكتحاول يكون ليها قدم وكلمة في اي منطقة في العالم العربي والاسلامي فيها صراع فكتحط بكلمتها وجنودها . بحال اذريبيجان _ليبيا _سوريا. وماغاترددش نهائيا في الدفاع على الحرمين
ولكن حال البلدان العربية وفي المقدمة ديالهم السعودية هو عائق رئيسي في الاستفاذة من هاد القوى الاسلامية الصاعدة. فهاد الحكام العرب مازال تحت التبعية الغربية والمظلة الامريكية .
هاد الحكام باغين الدعم لسياساتهم هوما بالخصوص ولشخصياتهم ولرصيدهم في البنوك وعائلاتهم واطماعهم الدنيوية التي لا تعبر بالضرورة عن مصالح الاسلام والمسلمين ..
ولو كان عكس ذلك والله لحدث العجب العجاب في هذا القرن . ولكن قدر الله لنا نعيشو في زمن كتعيش فيه هاد الأمة اضعف ما يكون. ولكن لي قرا التاريخ الاسلامي كامل وفي كل فترات التاريخ بدون استثناء . من بداية التاريخ الهجري حتى لسقوط الدولة العثمانية واستعمار دولتنا المغربية لي كانت قوة كبيرة ايضا من طرف الغرب . وهادشي راه وقع غير قبل 100 عام من دبا . لي قرا هاد التاريخ كامل غادي يعرف ان هاد الأمة ماكتنوضش الا مني كتوصل لأضعف ما يكون . كتعاود تنوض من جديد . ويلا قريتي التاريخ غتفهم مزيان هادشي .
والله غالب على أمره ولكن أكثر الناس لا يعلمون ..